Busturialdeko ekonomia berpizteko asmoz, duela urte batzuk, eskualdeko sektore eta lanbide desberdinetako lagun talde batek ekonomia eredu alternatibo bat proposatu  genuen, KOOPERATIBA INTEGRAL bezala ezagutzen dena.

Antzinako eredu ekonomikoetatik abiatuta, elkarlanean eta trukean oinarritutako sistema ekonomiko justu eta jasangarri baten aldeko proposamena egin genuen, indarrean dugun sistemarekin zerikusirik ez duena, baina, guztiz bideragarria eta integrala dena.

DIRU LOKAL bat sortzea erabaki genuen, hau da, eskualde eskalara mugatzen den moneta berri bat: URDAIak. Pertsonen eta enpresen arteko kooperatibismoan eta lagunartean sustraitutako harremanen bilbapena litzateke helburu nagusia, beti ere, moneta berri hori erabilita eta estatuaren kontrolpetik kanpo. Era honetan, ikuspegi lokal batetatik, bankua ezta estatuaren beharrizanik behar ez den bizitzeko era berri bat iradoki genuen, zergak eta bestelako mendekotasunak gutxituz.

Hasieran, ez zuen onarpen eta arrakasta sozial handirik jaso, baina, guk geuretara sistema martxan jartzea erabaki genuen eta jasotako emaitza onak ikusita, eskualdeak besoak zabaldu zizkion proposamenari.

ZELAN FUNTZIONATZEN DU KOOPERATIBAK?

Esan bezala, kooperatibismoan eta trukean oinarritzen da ekonomia eredua da hau. Trukea zuzena izan daiteke. Adibide bat jartzearren, nik kilo bat tomate ematen dizkizut atun baten truke. Edo bestela, diru lokalarekin ere egin daitezke salerosketak (gehien erabiltzen ari den sistema).

Kooperatiba integral hau, batez ere, 1.sektorea eta enpresari eta komertzio txikien produkzioa eta diru sarrerak hobetzeko helburuarekin sortu zen. Diru horiek kudeatzeko derrigorrean banku bat sortzea baino ez dugu izan, baina, ez da ohiko bankua izango. Guk BANKU ETIKOAK izena jarri diegu. Interesik bariko banku  batez ari gara, solbentea eta mozkin eta etekinik aterako ez duena (SIN ANIMO DE LUCRO).  Bankuok Gernika eta Bermeon kokatzen dira, eta eskaria ikusita, lokal handiagoen beharrizana ikusi da.

Kooperatiban izena ematerakoan bankuan diru sarrera bat sartu beharko dugu, eurotan izango dena. Diru sarrera hau baldintza eta egoera batzuen menpekoa da, hau da, enpresa txiki baten sarrera eta baserritar batena ez dira berdinak izango, ezta gutxiago ere. Halaber, sarrera honek ez du zertan dirutan izan behar, bestelako ekarpenik ere onartzeko prest dago kooperatiba, beti ere, adostutakoa bada.

Hortaz, enpresa edo kooperatibista bakoitzak kontu korronte propioa izango du, URDAIak metatu zein ateratzeko.

Horrez gain, hileroko kuota sinboliko bat ere sartu beharko dute kooperatibako kideek.

Diru guzti hau FONDO KOMUN baten sartuko da. Fondo komun hau beharrizan komunitarioak daudenerako gordeko da. Esaterako, kooperatibarako beharrezkoak diren eta eskualdeak produzitu ezin dituen produktu eta material primarioak erosterako orduan diru hau erabiltzen da. Ahal den heinean, AL POR MAYOR izango da. Euroaren erabilera honetara baino ez da mugatuko.

Bestalde, kooperatibako kideek askatasuna izango dute URDAIak Euroekin trukatzerako orduan, eta alderantziz. Baina, ezin izango da abusatu. Kooperatibaren filosofia ez da sistema hau erabiltzea Euroetan etekinak ateratzeko, baizik eta, eskualdera begira etekinak ateratzea da xede nagusia.

Bestalde, sistema integral honetan parte hartze maila desberdinak ditugu. Bada jende multzo bat indarrean dagoen eredu ekonomikoarenganako ahalik eta mendekotasun gutxiena izan nahi duena, hau da, antzinako trukean eta URDAIen erabileran oinarritutako bizimodu autogestionatu eta sufizientea duena. PROSUMIDOREAK izango dira hauek, eurek eurentzako produzitu eta kontsumitzen dutenak. ENPRESA PROSUMIDOREAK ere badira.  
Trukea eskualdeko edozein azoketan onartzen da, jada, eta TRUKE AZOKAK ere sortu berri dira. Kooperatibak bizi eredu honen aldeko apustua egiten du, izan ere, bere muina eta filosofia horretan errotzen dira. Gehien dugun profila, sistema biak uztartzen dituen bizimodua daramana da. Nolabait esatearren, Euroak zein URDAIak erabiltzen dituena.

Diru lokalaren abantailak erakarrita, jende askok zabaldu du kontu korrontea banku etiko hauetan. Adibidez, TOMATE KILOA INGURUETAKO ESKUALDEETAN BAINO %12 MERKEAGO DAGO (Produkzio katea txikitu eta mendekotasuna askoz txikiagoa da. Intentziboen eta bonifikazioen gorakada, solbentzia…). Komertzio eta denda askok bat egin dute ekimen honekin, eta beste asko, jokoz kanpo geratzeko beldurrarekin, ez dute batzea besterik izan.

Herrietako azoketan ere URDAIaren erabilera gailentzen da eta, aipatu bezala, trukea ere onartzen da.

Gaur egun, sede nagusia Gernikan lekutzen da. Halere, Gernikarekiko eta Bermeorekiko eskualdeak duen zentralizazioa hausteko, bulego nagusia Muruetako Teilerian finkatzea erabaki da. Oraindik proiektua martxan da eta sedearekin batera, gune hori biziberritzeko bestelako proposamenak ere badira. Tren geltokia berriro martxan jartzea onartu du Euskotrenek, behin proiektua gauzatzen denean.

ONURAK:

1. IRABAZIEN GORAKADA EREMU LOKALEAN
2. LIKIDEZIAREN GORAKADA
3. BANKU ETIKO BATEN SORRERA
4. TOKIKO MERKATUAREN INDARTZEA
5. INZENTIBOEN ETA BONIFIKAZIOEN GORAKADA
6. SISTEMAREKIKO MENPEKOTASUNA GUTXITZEA
7. LEHEN SEKTOREAREN INDARTZEA
8. ENPRESA TXIKIEN INDARTZEA
9. LANPOSTU EXISTENTEEN BERMETZEA ETA BERRIEN SORRERA
10. EKONOMIA LOKALAREN INDARTZEA EREDU KOLEKTIBO ETA SOZIAL BATEN BITARTEZ
11. AKTIBAZIO LOKALA
12. AUTOESTIMAREN ETA ONGIZATEAREN HOBEKUNTZA
13. TOKIKO PRODUKTUENGANAKO BALIOSPENA ETA KONFIANTZA INDARTZEA
14. KOMERTZIANTE-BEZEROAREN HARREMANA HOBETZEA
15. GUTXIETSITAKO AKTIBITATE TRADIZIONALEN BERBALORAZIOA
16. KOLEKTIBO BATEN PARTE IZATEN JAKITEA
17. AUTOGESTIOA BULTZATZEA
18. HARREMAN SOZIALEN HOBEKUNTZA

 TURISTA ERE PARTE

Eskualde honetan bestelako turismo eredu bat posible dela ikusita, TURISMOA SISTEMA EKONOMIKO BERRI HONETAN INTEGRATZEA PROPOSATZEN DA, TURISMO LOKAL, INTEGRAL, HEZITZAILE ETA JASANGARRI bat bultzatuz.  EKOTURISMOA ERE DEITZEN DENA (sarean informazio asko duzue).

Eskualdean bi kanping baino ez ditugu. Eskaera handia dago eta bi kanping hauetako partzela gehienak bizitza osoa finkatuta daramaten turistek hartuta dituzte aspaldidanik; udatiarrak dira, jada, eta aste batzuk  edo egun batzuk pasatzera joateko asmoa duten bisitariek zail izaten dute kanpingotan tokia aurkitzea.

Hau dela medio, kanping eta bungalow sare bat proposatzen da eskualderako. Kanping hauetan trukea eta diru lokala baino ez da onartuko, kooperatiba integral honi eskualdeko bultzadaz gainera, turismoaren bultzada ere bilatzen diogularik.

Bi turista eredu izango ditugu kanping hauetan: PROSUMIDOREAK ETA KONTSUMIDOREAK:

-PROSUMIDOREAK: PRODUZITU + KONTSUMITU + PARTE HARTU

           

-ORTU KOMUNAK: kanpingean ortu komunak izango dira, bertan lan egin eta bertatik jateko edo produktuok trukatu edo saltzeko aukera. Baserritarren laguntza eskainiko da hasieran, kultura trukaketa, heziketa eta integrazioa bultzatuz.

-ARRANTZA: inguruko arrantzaleekin arrantzan joateko aukera. Arrantzan egiten ikasi, lagundu…arrantzatutakoa jateko zein saldu edo trukatzeko aukera.

-BESTELAKO EKINTZAK: ekintza hezitzaileak eta integralak izango dira. Kultura eta tradizioak bertatik bertara ezagutzeko aukera eta parte izatekoa ere. Euskera ikasteko eta hobetzekoa…

… ARRANTZALE ETA NEKAZARI HAUEK BOLUNTARIOAK ZEIN LIBERATUAK IZAN DAITEZKE, BESTELAKO LANGILE ASKOREN GISARA …

-KONTSUMIDOREA: KONTSUMITU + PARTE HARTU

            -Produkzioan parte hartu ez, baina, ekintza integraletan parte hartuko dutenak.

            Beti ere, kanping hauen filosofia jarraituz.

 … NATURAREKIKO LOTURA ZUZENA DUTEN EKINTZAK, NATURA GUZTIZ ERRESPETATUZ …

EKOTURISMOAREN ONURAK

1. DIRU-SARRERA ITURRIA
2. TOKIKO PRODUKTUAK MAILA NAZIONALEAN ZEIN INTERNAZIONALEAN HEDATU ETA EZAGUTARAZTEA
3. KULTURA ETA JAKINTZA EZBERDINEN TRUKAKETA
4. ELKARGUNE SOZIALA
5. KOLEKTIO BATEN PARTE IZATEN JAKITEA
6. TOKIKO KULTURA ETA OHITURAK BARNE-BARNETIK EZAGUTZEA ETA EUREN PARTE IZATEA
7. EUSKERA IKASI ETA HOBETZEKO AUKERA
8. TURISMO HEZITZAILE, AKTIBO ETA JASANGARRIA BULTZATZEN DA
9. TOKIKO EKONOMIETAN ZUZENEAN PARTE HARTU ETA LAGUNTZEKO AUKERA, BATEZ ERE, 1.SEKTOREAN
10. AUTOGESTIOA BULTZATZEA

.....................................................................................................................................GARAPENA

HOLANDA: BELDUR BARIK

Joan den aste osoa Holandan zehar ibili naiz bidaiatzen. Bigarren aldia da aparteko lurralde honetara noala eta oraingoan ere, guztiz liluratuta  bueltatu naiz. Lehen aldia batxilergoa amaitu osteko udan izan zen. Oraingo honetan, ordea, Holandarekiko bestelako ikuspuntu eta interes batekin joan naiz,  eta baita bueltatu ere.
Jakina da lurralde txiki hau adibide dela mundu osoko arkitektura eskola eta estudioetan. Eta ez nau harritzen. Bere aparteko ingurune bereziagatik, agian, badirudi erabakiak hartzerako orduan buru eta zentzu handiagoarekin jokatzen dutela. Borondate publiko itzela dago bertako lurralde singular horren garapen harmoniatsuari begirako egituraketa eta eraginkortasunari dagokionean.

BIZIKLETAZ, TRANBIA, TRENA, OINEZ...DENA EZIN HOBETO DAGO ANTOLATUTA

Rotterdam izan zen nire lehenengo geltokia. 5 gau pasa genituen bertan. Lehenbizikoan ez nintzen bertan izan, beti entzun izan baitut Rotterdamek ez duela pena merezi, baina, oker daude horrela uste duten guztiek. Hiri oso berezia, kosmopolita, modernoa eta aberatsa da, Bilbo bezala hiri industrial eta portuarioa izan dena eta dena, baina iragan eta nortasun industrial horri muzin egiten ez diona. II.Mundu Gerran ia hiri osoa suntsituta geratu zenez, ia den dena berria da. Bestalde, garapen ikaragarria jasan du azken urteotan; Munduko bestelako hiri industrial askoren antzera, bere itsasadarrak (hiriguneko zatiak: portua ikaragarria baita) izugarrizko eraldaketa ikusi du. Eta horrekin batera, hiriak berak ere bira erdi eman du.
Arkitektura eta hirigintza aldetik zer esan: una pasada!

Hurrengo geralekua Utrecht-eko hiria izan zen. Egun pasa joateko asmoa geneukan, halere, arratsalde pasa baino ez zen izan, bertako tren geltokiaren zati batek su hartu baitzuen eta arazoak izan genituen bertara iristeko. Halere, Rotterdametik trenez ordu bete eskasera dagoen unibertsitate hiria dugu Utrecht. Herbeheretako unibertsitaterik garrantzitsuena kokatzen da bertan,  30.000 ikasletik gora hartzen dituena. Hiri bizia eta erakargarria da, eta arkitekturaren aldetik ere ikusgarria benetan. Unibertsitatea bera konplexu arkitektoniko garrantzitsua da, Rietveld House ere bertatik pare bat minutura dagoelarik. Denbora faltan, gainetik ikusteko beta baino ez genuen izan (Unibertsitatea gain-gainetik).

Rotterdametik Amsterdamera bidean, Den Haag-en (La Haya) egin genuen geldialditxoa. Eguraldi onarekin eta igandea zela aprobetxatuz, jende asko zebilen kaleetan barrena. Bidaian zehar entzun genuenaren arabera, ez omen zuen pena merezi. Egia esateko, ordu eskas batzuen bueltan, Amsterdamerantz jo genuen. Bertan dago Herbeheretako parlamentua, egoitza erreala eta bestelako botere eta ministerio guztiak. Arkitekturari dagokionez, beste edozein holandar hiriren modura, gauza asko ditu ikusteko: OMA (Netherlands Dance Theather), MVRDV (Ypenburg auzunea da aipatzekoa. Kanpoaldean kokatzen da), Richard Meier, Siza…

Amsterdamera heldu ginenerako ia gaua zen (4:15 bueltan…). Bi gau egin behar genituen bertan. Niretzako bigarren aldia zen eta arinagoko alditik, ikusi ez nituen eraikin eta leku asko nituen buruan. Lehenbiziko aldian, ohikoa den legez, bertako bizimoduaz gozatu nahi izan genuen Amsterdam ikusteaz gainera.
Hurrengo egunean, lagunei leku tipikoak erakutsi eta niretzako interesgarriak ziren hainbat eraikin ikusteko konbentzitu nituen. Hala ere, Amsterdamen oparotasun arkitektonikoa ondo preziatzeko egunak eta egunak behar dira. Oraindik asetu gabe, eta, azken egunean goiz-goizetik jaiki eta Borneo eta Java Uharteak ikustera joan nintzen. Hegaldia 13:00etan nuen, ordea. Alabaina, Silodam eta bere penintsula ikusteko asmoa ere baneukan, eta, bizikletarekin laster baten ikusteko beta izan nuen.

Denbora falta, batez ere!Beraz, zergatik ez joan unibertsitatetik??????

LAIDARAKO LEKU BAT

Leku bat. Hori izan da nire proposamena, LEKU BAT SORTZEA. Atsegina, lasaia, urte osoan funtzionatuko duena, dinamikoa, beroa...

Iradokizun honen bidean, 4 faktore nagusi izan ditut kontutan:

1. IRISGARRITASUNA/TRAFIKO ARAZOAK

2. MAREAK

3. URTARO ALDAKETEN BALDINTZAPENA

4. GUNE KAXKAR HORI PROBETZUZKOA EGITEA/BUELTA EMATEA

Irisgarritasunaren arazoa konpontzeari begira, 2 akzio eremutan jardun dugu, elkar erlazionatuta. Alde batetik, Gernikan eta, bestetik, Laidan bertan (beste sarrera batetan azaltzen da hobeto):

GERNIKA: Parking disuasorioa + Bus geltokia (Eskuin aldea hornituz) + Tren geltokia (Ezker aldea hornituz) + Ferrya (turistentzako)

LAIDA: "...lehen jende gutxiago joaten zen erraztazun gutxiago zegoelako..."(Bideotik hartuta).

Ildo honetan, parkingak gutxitzea izan da nire asmoa, bai behinik behin, uda sasoian. Parkingari kendutako zatia, ordea, BUS GELTOKI DUINAGO eta HANDIAGO bat egiteko erabiltzea proposatzen dut, izan ere, irisgarritasun proposamenean autobus gehiago jartzearen aldarrikapena egiten dugu. NEGUAN BUS GELTOKIAREN ZATI BAT PARKING BILAKATU DAITEKE, NAHIZ ETA, BEHARRIZANIK EZ IKUSI.

Mareak. Marea aldaketek ematen diguten jokuari ahalik eta probetxu gehien ateratzea.

Igerilekuen plataforma flotantea, adibidea.

Urtaro aldaketak. Proiektua ez dadila izan udan bakarrik erabiltzeko. NEGUAN ZEIN UDAN ERABILI AHAL IZATEKO BALDINTZA EGOKI ETA MALGUEN BEHARRA.

Gune honen alternatiba. Oso gutxi erabiltzen den hareatza ingurua da,  zikina, arriskutsua eta gutxi kubritzen duelako.

PROIEKTUA LANTZEN...

Parkingaren moldaketari begira, gunearen iparraldeko partea busentzako da bakarrik, bestelako ibilgailuek beratatik igarotzea debekatuta dutelarik. Hau honela, zirkulazioaren berrantolaketa proposatzen dut egitura zirkulatorio berberari jarraituz.(oin planta nagusian-CARRIL DE INCORPORACIÓN)

Eraikinari dagokionez, hasiera batetan parkingaren aldamenean proposatzen nuen, halere, ezkerretara jarri beharrean, PARKINGAREN NORABIDEA JARRAITUZ HEGOALDERANTZA HEDATZEAREN aukera egin dut. Horrela, ur sakonagoekiko distantzia gutxituz eta igerilekuentzako baldintza hobeak lortuz.

Urrengo pausoa, "leku" hori nola definitu izan da. Horretarako, 2 gauza egin ditut: KOTA ALDAKETA (0.7m altxatu) eta MATERIAL ALDAKETA (egurrezko tarima). Honekin "erakin bat sortzen dut", paseotik eta parkingetik bertatik desberdintzen duena, "LEKUAREN" KONTZEPTUA INDARTUZ.

Horrez gain, "LEKU" HONETAN BESTE "LEKU" BATZUK EGOTEA izan da nire beste helburuetako bat. Hau honela, plataforma zatitu eta beste solairu bat gehitu diot beherantza. Guneak:

1. PLATAFORMA FLOTANTEA + IGERILEKUA

2. ALDAGELAK + GURUTZE GORRIA + PIRAGAUA ALOKAIRUA

--------------------ZIRKULAZIOA BIDERATU ETA DISTRIBUZIOA/BANAKETA LANA EGINGO DUEN KARAKOL ARRAPALA HANDIA-------------------

                  3. BULEGOAK + (SUKALDEA + JANTOKIA + TABERNA + DENDA)

                  4. BUS GELTOKIA + PLAZATXOA (iparraldeko puntan)

Peña Gantxegi taldearen ontziralekua Pasaian

 

 

1.gunea: PLATAFORMA FLOTANTEA

Bakanduta proposatzen dut, nahiz eta aldagelekin lotura zuzena izan. Horrela ur sakonagoetatik ere hurbilago gaude. Mareek dute eragin handiena hemen. Marea gora edo behera egoera oso desberdinak azlatzen zaizkigu. Behean dagoenean palataforma hareatzan apoilatu eta bere parte egiten da, erdi erdian jalgiko litzatakeen aisialdiko ur parke baten moduan (eskailerak!). Igotzean, ordea, hain ohikoak diren ur gaineko aisigune bat sortzen da. Bestalde, kota aldaketekin ere jokatu dut: tranpolinak...

Lortu gura izan dudan beste efektu bat marea aldaketen eraginezko plataformaren transformazioa izan da (eskemak).

Aipatutako efektu honek arazo bat ekarri zidan, ordea. Marea gora igotzean igerilekuen hormetatik irristatzen ziren gurpilak (pantalanetakoak) irten egiten zirela, nolabait esatearren (hormak igoz gero, efektua akabo). Seguru aukerak badirela honi irtenbidea emateko, baina nire kontzeptu eta logikarekin errodamendu hauek ur azpian egongo liratezke, eta marea behean dagoenean harea baino beheragoko kotan (fosa bat egin beharko litzateke gurpilak sartzeko, uretan murgildurik, beti ere). Aukera bat izan daiteke, baina, ur gaziak suposatzen dituen aurkako guztiekin (bestela irtenbide hidrauliko bat...¿¿?¿?¡?¿?). Bestalde, kota aldaketa horren arazoa desagertu egiten da, adibidez, tranpolinaren azpian:

  

Halere, lurrean finkatuta dauden igerilekuen partetek egiten dute egitura edo finkapen lanik handiena. Are gehiago sendotzeko:

Hona hemen aurkitu nuen flotatzeko beste sistema berezi eta jasangarri bat:

Floating Dinning Room

3.gunea: BULEGOAK + (JATETXEA + SUKALDEA + TABERNA + DENDA)

Inguruotako jatetxe eta tabernek ordutegi guztiz desberdina dute uda eta neguaren artean. Jatetxe batzuk, adibidez, ateak ixten dituzte negu aldera. Nire helburua urte osorako taberna/jatetxe bat izatea, urtaro aldaketek suposatuko digutenarekin. 

Halaber, udan zein neguan bezeroek terrazaz goza dezaten berogailu sistema bat iradoki dut. Berogailu hauek bi solairuekin daude zuzenki lotuak, eta tabernako terraza eta pasarelaren arteko filtro lana ere gauzatzen dute.

Berogailuak

Beste alde batetik, denda turistentzako zuzenduta egongo denez, hau bai egongo dela udako ordutegira mugatuta. Hortaz, neguan denda tabernaren parte egiten da, negurako hain ondo datorren  tabernaren barruko aldea handiagotuz.

4.gunea: BUS GELTOKIA + PLAZATXOA

Hondartzarako ibilbide eta sarrera ohikoena gune honetatik izaten da, iparraldeko hareatzara, hain zuzen ere (dunen beste aldean). Beraz, bus geltokiak eta esertzeko eta hankak garbitzeko dutxa eta bestelakoak bertan proposatu ditut.

Horrez gainera, eszenatokitxo bat ere planteatzen dut, plataformaren beste puntako amaiera gisa. Gune hori nahiko kaxkar dago, eta eraberritze baten beharra agerikoa da. Bertan ekitaldiak, kontzertuak... eman daitezke gauetan

(horrela no os "...come la mierda" -bideotik jajaja) eta autobus geltokiaren zati bat erabili ikuslegoarentzako edo txosna jartzeko...

Iparraldeko aipatutako gunea

PASARELA

Bus geltokia eta plazatxoa 3., 2., eta 1. guneekin lotzeko dugu pasarela hau. Behe solairuan ere paraleloki beste bat iradokitzen dut, zeinak beheko aldetik gune hauek komunikatzeaz gainera, erdibidean jarritako komun publikoetarako bidea ere baden.

Marea gora

FATXADA ETA EGITURA

ALTZAIRUZKO EGITURA + ZUREZKO BESTELAKO ELEMENTUAK (ZELOSIAK, FATXADAK, TARIMA...) !!!!BIHAR IGOKO DUT LEIENDA!!!!!!!

Getxoko arraun eta bela elkartea (Zelosia)

ARGIZTAPENA ETA BESTELAKOAK

Getxoko arraun eta bela elkartea(argiztapena)

Notting Hill (argiztapena)

Piragua eta kanoa alokairuaz gainera, plataforma flotantean batel kurioso hauek ere zergaik ez?

1.PROIEKTUA-IGERILEKU NATURALAK LAIDAN: LABURPEN PANELA

NORK HOBETO BERTAKOEK BAINO?

Arkitekto batek  bere bezeroari  proiektua gauzatu aurretik bere ikuspuntua eta gustuei buruz galdetzen dio gehientsuenetan. Baina zer gertatzen da bezero bakar bat izan beharrean, ehunka edo milaka badira? Gauza zertxobait nahasten da, orduan.

Diru publikoarekin obra zibilen bat edo ekipamenduren bat eraiki behar denean, ageriko arrazoien bategatik izaten da normalean, lekuan lekuko gabezia edo premiaren bati erantzuteko, alegia. Arrazoi hori hain agerikoa izaten da askotan, zeina ez dugun  barne barnetik aztertzen. Edo eta aztertu arren, beste arrazoi batzuengatik ezer ezean  geratzen da ahalegina.

Askotan herriari entzungor edo soilik ez galdetzeagatik gertatzen da. Esaterako, Busturialdeko eskualdeak urteak daramatza bere inguruko beste eskualdeekiko komunikazio hobekuntza aldarrikatzen, baina urte eskas da horri irtenbidea emateko proiektu bat plazaratu dutela. Beste komunikazio arazoetako bat, klaseko lan askotan ikusi ahal izan dugunez, Okaz eskumatara geratzen den herri, auzo eta uda aldean, bertako hondartzena da (batez ere, BI-3234 errepidekoa, Kanala-Laida-Laga-Ibarrangelu).

BIDE GORRI BATEN ALDE GERNIKAN JOAN DEN ZAPATUAN EGINDAKO PROTESTA

Guk komunikazioaren arazo horri hurbil hurbiletik jarraitu nahi izan diogu, eta horretarako, Urdaibai eta inguruetako bizilagunekin ibili gara berbetan. Perfil eta lanpostu ezberdineko pertsonekin egon gara, eta ehunka bizilaguni galdetzeko denborarik eta eskumenik eduki ez arren, zertzelada eta ondorio batzuetara iristea lortu dugu. Beste alde batetik, gure irisgarritasun proposamenari buruz ere aritu gara, eta euren iritzia eta beste iradokizunik ba ote duten ere galdetu diegu.

HONA HEMEN GURE PROPOSAMENAREN ALDE BAT; GERNIKAN GAUZATUKO GENUKEEN HIRIGINTZA PLANA:

GAUR EGUN

GURE PROPOSAMENA

GAUR EGUNGO EBAKETA

GURE PROPOSAMENA

PARKING DISUASORIOAREN ESKEMA

Proposamena ikusi ondoren, hementxe duzue bideoa. Lehenengo eta behin, Laida ingurura jo dugu, bertako kanpinera, hain zuzen ere. Ondoren, hondartzara eta, bukatzeko, Gernikara. Galdera asko egin ditugu, baina orokorrean hauexek:

GALDERAK:

1. Nola etortzen zara hondartzetara?
2. Nola ikusten duzu komunikazioa?
3. Gure proposamenari buruz?Beste proposamenik?
4. Besterik… 

Urdaibai galdeketa from AFR on Vimeo.

Lehenengo galderari begira, ia gehienak kotxez hurbiltzen direla erantzun digute. 18 urtetik beherako eta adineko jendeak soilik esan digu autobusez egiten dutela. Zerbait aipatzekotan, 40 urtetik gorako pare batek esan digute eurek antzina  trena hartzen zutela Mundakara arte, eta ondoren, ferrya Laidara. Hori autobusik egoten ez zenean egiten omen zuten Gernika eta ezkerraldeko bizilagunek.

Komunikazioa ea nola ote dagoen galdetu dugunean, bi aurpegi ikusi ditugu. Alde batetik, neguko egoera, eta bestetik, udakoa (uztaila-abuztua). Negukoari buruz den denek oso konexio eskasa dagoela aipatu digute, hain eskasa ze, aste barruan BI-3234 errepidetik 2 edo3 bus pasatzen direla bakarrik eta asteburuetan bakar bat ere ez. Kanpineko idazkariarekin ere egon gara, eta adierazi digun legez, Aste Santuko 5 egun horietan (Ostegun Santua, Ostiral Santua…) ez da pasatzen ezta Bizkaibus bakar bat ere. Udan, ordea, lotura ona dagoela ihardetsi digute, baina, eskualde mailan ari bagara. Bestalde, Gernikako turismo bulegora ere osteratxoa egin dugu, Aitziber, bertako langileari, hiruzpalau galdera egiteko. Aitziberrek aipatu digunez, uda sasoian turista andana joaten dela eskumaldeko hondartza eta herrietara nola iritsi daitekeen galdezka, seinalizazioa eta loturak oso onak ez diren seinale. Horrez gain, ezkerraldeko Euskotrenaren ibilbide paregabea turistikoki indartu behar dela ere argudiatu digu.

Komunikazioaren barnean, badakigu eskualdearen inguruetako herrietatik ere jende asko hurbiltzen dela Laida, Laga eta Elantxobera (Zornotzatik, Durangotik, Galdakaotik…). Arazoa zera da, ez dutela konexio zuzenik hondartza hauekin. Elorrioko neska batekin ere izan gara, eta aipatu digun legez, Laidara ailegatzeko 5 autobus hartu behar dituela (Gernikatik kotxez  40minutu eskas direnean). Gure irismen proposamenarekin bat ez etorri arren,  galdera hau ere egin diegu solaskideei: Ondo iruditzen al zaizue autobusak jartzea Zornotzatik?Gehienek baiezkoa eman digute.

Uraren bidezko konexio sistemaren inguruan ere jardun dugu, eta gehienek ez dute eraginkorra eta bideragarria ikusten. Jartzekotan, eta gure iradokizunarekin bat, udatan izango litzateke, baina, turismoari begira, gehien bat.

Jo dezagun orain gure proposamenera. Batek edo bestek ongi ulertu ez arren, gehienek oniritzia eman diote. Batzuek egiten ari diren Gernikako zentroko intermodalari buruz hasi zaizkigu hizketan. Izan ere, Gernika erdiguneko tren-geltokian, Bizkaibusak, Euskotrena eta taxiak batuko dituen eraikin bat egiten hasiak daude. Parkingak ere badira inguru horretan, baina ez dugu uste egokiena denik kanpotik hondartzetara doan trafiko guzti hori erdialdeko parkingetara bideratzea, azkenean, herriko bertako trafikoa areagotuko genukeelako (saihesbideak hein handi batetan horretarako eraiki ziren).

Beste alde batetik, hondartzetako aparkaleku arazoa gutxitzeko iradoki dugun kotxeentzako parking murrizketari buruz denetarik ikusi dugu, baina, oro har, ideia ona iruditzen zaiela. Adibide bat jartzearren, kanpinean aurkitu dugun Bilbotar batek azaldu digu, kanpin aurreko gaur egun dagoen berdegunea lehenago hartxintxarrezko parkinga zela, baina “que vinieron los Verdes” eta gaur egun berdegune lasai batetan bilakatu da.

Halaber, aipatzekoa da Peiok esan diguna. Gernikak 2km luze ditu eta 3 tren geltoki bere baitan. Etorkizunerako trena lurperatzeko proiektu bat martxan da jada, eta berak komentatu digunez, “zergatik ez jarri tranbia sistema bat Gernika barrurako?...tarifa bereziekin…Nik polikiroldegira joateko kotxea hartzen dut…”

Bukatzeko, kanpingaren eraberritzeko beharra antzeman dugu. Urdaibaien bi kanping baino ez daude, eta Laidako partzela ia denak urte osorako daude alokatuak (gehienak bizitza osoa daramate)eta denboraldi labur bat pasatzeko asmoa duten turistek ez dute ia lekurik izaten. Bestalde, bertako gazteek esan digutenez, nahiz eta, urte osoan jendea izan, bizitasun oso gutxi egoten dela.

BENIDORM WEST BEACH PROMENADE: OAB

Hona hemen Carles Ferrater eta Xavier Martí OAB arkitektura estudioak Benidormen egindako paseoaren inguruko BIDEO BAT. Bertan Ferrater azaltzen zaigu eta proiektu honen nondik norakoak azaltzen dizkigu, labur labur. Bere iritziz, Benidormeko hirigintza eredua da Espainiar eta Kataluniar Mediterraneoko kostetako jarraibiderik sostenibleena. Arkitekto hauentzako erronka bat izan zen Benidormi paseo bat egitea. Eurek, hortik haratago, paseo tipiko bat egin beharrean espazio publiko desberdin bat eskaini nahi izan zioten hiriari; "leku bat", Ferraterren arabera. Leku batetan bihurtu, bistaz gozatzeko leku bat, dinamikoa eta estatikoa.






http://studiobanana.tv/2010/10/11/benidorm-west-beach-promenade-carlos-ferrater-xavier-marti/